‘గాడ్ ఫాదర్’ సాంగ్ ప్రోమో.. మెగా ఫ్యాన్స్‌కి పండ‌గే

మెగాస్టార్ చిరంజీవి టైటిల్ పాత్రలో న‌టిస్తోన్న లేటెస్ట్ మూవీ ‘గాడ్ ఫాదర్’ . మోహ‌న్ రాజా ద‌ర్శక‌త్వంలో రూపొందుతోన్న ఈ సినిమాను రామ్ చ‌ర‌ణ్‌, ఆర్‌.బి.చౌద‌రి, ఎన్‌.వి.ప్రసాద్ నిర్మిస్తున్నారు. బాలీవుడ్ మెగాస్టార్ స‌ల్మాన్ ఖాన్ ఇందులో ఓ కీల‌క పాత్రలో న‌టించ‌టం విశేషం. చిరంజీవి – స‌ల్మాన్ ఖాన్ క‌లిసి చేసిన ‘థార్ మార్..’ అనే సాంగ్‌ను సెప్టెంబ‌ర్ 15న రిలీజ్ చేయ‌బోతున్నారు. ఆ సాంగ్ ప్రోమోను మంగ‌ళ‌వారం చిత్ర యూనిట్ రిలీజ్ చేసింది. ప్రోమో చూస్తుంటే చిరు, స‌ల్మాన్ మాస్ స్టెప్పుల‌తో అద‌ర‌గొట్టేశార‌ని క్లియ‌ర్‌గా అర్థమ‌వుతోంది. అక్టోబ‌ర్ 5న సినిమా థియేట‌ర్స్‌లో సంద‌డి చేయ‌నుంది.