టాలీవుడ్ మాస్ మహారాజా రవితేజ, భావోద్వేగ భరిత కథలను అద్భుతంగా తెరకెక్కించే దర్శకుడు శివ నిర్వాణ కాంబినేషన్లో రూపొందుతున్న సరికొత్త చిత్రం ఇరుముడి. మైత్రీ మూవీ మేకర్స్ పతాకంపై నవీన్ యెర్నేని, వై. రవిశంకర్ భారీ బడ్జెట్తో నిర్మిస్తున్న ఈ ప్రాజెక్ట్పై సినీ వర్గాల్లోనూ, సాధారణ ప్రేక్షకుల్లోనూ భారీ అంచనాలు నెలకొన్నాయి. ఇప్పటికే విడుదలైన టీజర్, ట్రైలర్ సినిమాపై హైప్ను పెంచగా, ఈ చిత్రం ఆగస్టు 21న ప్రపంచవ్యాప్తంగా థియేటర్లలోకి రానుంది. ఆదివారం నిర్వహించిన ప్రీ రిలీజ్ వేడుకలో భాగంగా అందరూ ఆసక్తిగా ఎదురుచూస్తున్న ‘మల్లెపూల పల్లకి’ లిరికల్ పాటను చిత్ర బృందం విడుదల చేసింది.
సంగీత దర్శకుడు జీవీ ప్రకాష్ కుమార్ సమకూర్చిన బాణీలకు డప్పు శ్రీను ఎంతో ఉత్తేజంగా, భక్తి భావంతో గాత్రాన్ని అందించారు. అయ్యప్ప దీక్షా మహోత్సవాల్లో ప్రత్యేక స్థానం సంపాదించుకున్న ఈ పాటను అదే సింగర్తో ఒరిజినల్ ఫ్లేవర్ మిస్ కాకుండా పాడించడం ప్రధాన ఆకర్షణగా నిలిచింది. చౌడం శ్రీనివాసరావు (వాసు) అందించిన లిరిక్స్ పాటకు మరింత ఆధ్యాత్మిక శోభను చేకూర్చాయి. శేఖర్ మాస్టర్ కంపోజ్ చేసిన జానపద, భక్తి శైలి డ్యాన్స్ మూమెంట్స్కు రవితేజ తనదైన గ్రేస్, ఎనర్జీని జోడించి ప్రాణం పోశారు. యూట్యూబ్లో విడుదలైన కొద్దిసేపట్లోనే రికార్డు వ్యూస్తో దూసుకుపోతున్న ఈ భక్తి గీతం థియేటర్లలో అయ్యప్ప భక్తి పారవశ్యాన్ని కలిగించడం ఖాయంగా కనిపిస్తోంది. ప్రియా భవానీ శంకర్ హీరోయిన్గా, సాయికుమార్ కీలక పాత్రలో కనిపించనున్న ఈ చిత్రం బాక్సాఫీస్ వద్ద ఏ స్థాయి ఘనవిజయాన్ని సాధిస్తుందో చూడాలి.
