Pushpa: ‘దాక్కో దాక్కో మేక’ వీడియో సాంగ్ రిలీజ్

అల్లు అర్జున్‌- సుకుమార్‌ కాంబినేషన్‌లో తెరకెక్కిన ‘పుష్ప’ సినిమా బాక్సాఫీస్‌ వద్ద అదిరిపోయే కలెక్షన్లతో దూసుకుపోతుంది. మైత్రీ మూవీ మేకర్స్‌ నిర్మించిన ఈ సినిమా అన్ని భాషల్లో మంచి లాభాలను తెచ్చిపెడుతుంది. సినిమా రిలీజ్‌కు ముందే ఈ సినిమా పాటలు సూపర్‌ హిట్టైన సంగతి తెలిసిందే. తాజాగా పుష్ప చిత్రంలోని తొలి సాంగ్‌ ‘దాక్కో దాక్కో మేక’ ఫుల్ వీడియోను చిత్రబృందం గురువారం విడుదల చేసింది. ఒకేసారి తెలుగుతో పాటు తమిళ, కన్నడ, మలయాళ, హిందీ భాషల్లోనూ ఫుల్‌సాంగ్‌ను రిలీజ్‌ చేశారు. ఇక ఈ చిత్రంలోని అన్ని పాటలను చంద్రబోస్‌ రాయడం విశేషం. ఎర్రచందనం అక్రమ రవాణా నేపథ్యంలో తెరకెక్కిన ఈ సినిమాలో రష్మిక హీరోయిన్‌గా నటించింది. అల్లు అర్జున్ కెరీర్లోనే తొలి పాన్ ఇండియా సినిమాగా ‘పుష్ప’ నిలిచింది.